Der Artikel vom „Weddingweiser“ über uns jetzt auch auf Esperanto (Danke Bernhard!)

Glaciaĵejo-kafejo Kibo – ejo de humuro ĉarma

Tio ja ankoraŭ mankis al Kvartalo afrika! Glaciaĵejo, kie oni ofertas pluse kaj membakitan kukon kaj kafon bonegan.

Alie la glaciaĵejoj portas la nomojn de la neĝokovritaj Dolomitoj. „Tio ĉi tie ne okazos“, diris al si Ramona Groth-Toia. Ŝi transformis iaman gastejon en hejmecan kaj famliaran loketon, kiu portas la nomon de la pinto de la plej alta afrika monto, la Kilimanĝaro, en la tiea lingvo: Kibo.

La 33-jaraĝa ekonomia informadikistino loĝas kune kun sia edzo tute proksime kaj el propra sperto konis la mankon de bona kafejo en la ĉirkaŭaĵo. Ekzistas en Wedding sendube jam kelkaj oazoj – sed certe ankoraŭ ne en ĉiuj anguloj. „Tre plaĉus al ni se ni sukcesis krei ion belan en la kvartalo“, samopinias Peter Groth. La germanistikisto kun radikoj en la Ruhr-regiono vivis dek jarojn en Transilvanio (Rumanio), kie li konatiĝis kun sia edzino. Finfine ambaŭ translokiĝis en Germanion. Dum la tempo post la nasko de filino, venis ideo al ŝi malfermi propran firmaon. „Mi frekventis seminariojn kaj ellernis la faradon de glaciaĵoj tute el naturaj ingrediencoj“, ŝi rakontas ne sen fiero, montrante la novan glaciaĵfaradan maŝinon. Ĝis 17 specojn samtempe oni trovas tie, de „jogurto-sambuko“ ĝis „biskvito“. Ramona estas konvinkita: nepras havi pli bonan kvaliton ol alie, se la kafejo en la Transvaal-strato sukcesu ankaŭ en la estonteco.

Ĉiukaze, la karto de glaciaĵoj kaj kukoj bildigas la buntan variecon de Wedding. Plejparte la specoj portas nomojn kun fono, ekzemple „Alba Neagra“, la rumana nomo de la krima ĉapet-ludo. Sed kial „matrimonio“? „Tio signifas en la itala la sama kiel la angla vorto ‚wedding‘, nome geedziĝo“, klarigas ridante Peter. Gaje, sed ne banale, tiamaniere ilia komerca koncepto kompreniĝu. La enkorporigo de negermanaĵoj konvenegas al la kvartalo laŭ la opinio de la germana-rumana paro: „Tie ĉi la plejmulto havas fremdlandan fonon kaj estas tie ĉi homoj de ĉiuj koloroj – en la plej konkreta senco de la vorto“, asertas Peter. Sed kie kaŝiĝas nun la rumana elemento? „Temas pri la vivoĝojo kaj vivemo“, pensas ambaŭ, „almenaŭ tia estas la kliŝo.“ La kafejo kaj somere kaj vintre estu plena. Por atingi tion, laŭ la ideoj de Ramona, okazu en ĝi ankaŭ kultureventoj kaj voĉlegadoj, kaj dum la malvarma sezono oni simple surtabligos ĉokoladofonduon anstataŭ malvarmajn aferojn …
La vandoj estas farbitaj dece, modeste sed tamen bele. Resume, akiro de iom pli multe da urbeca sento kaj vivokvalito por kvartalo, kiu plejparte estas nura loĝado-kvartalo. Valoras ja la penon viziti la kafejon, kiu situas tre proksime al la popola parko Rehberge, eĉ se la kaŭzo estus nur la volo ĝui bongustegan glaciaĵon!

Eiscafé Kibo
malfermita ĉiutage de la 10a ĝis la 20a horo
Transvaal-strato 13
13351 Berlin-Wedding

Advertisements

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google+ Foto

Du kommentierst mit Deinem Google+-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s

%d Bloggern gefällt das: